काठमाडौं १ फागुन । नेकपा माओवादी केन्द्रका अध्यक्ष पुष्पकमल दाहाल प्रचण्डले अहिले गठबन्धन तोड्ने षड्यन्त्र भइरहेको आरोप लगाएका छन् ।
जनकपुर पुगेका अध्यक्ष प्रचण्डले जनयुद्ध दिवसको अवसरमा आयोजित कार्यक्रममा यस्तो अभिव्यक्ति दिएका हुन् ।
गठबन्धन हर हालतमा सदृढ गरेर जानुपर्ने बताएका उनले केही तत्वहरु गठबन्धन उल्ट्याउन, हुन लागेको निर्वाचन रोक्न र वातावरण धमिलो पार्न लागिपरेको आरोप लगाएका छन् ।
‘प्रतिगमनविरुद्धको आन्दोलनबाट गठबन्धन बनेको हो , गठबन्धन कुनै सर्तमा आधारित थिएन’ प्रचण्डले भने ।
