महोत्तरी २५ जेठ । लागु औषधसहित प्रहरीले दुई जनालाई पक्राउ गरेको छ । पक्राउ पर्नेमा जिल्लाको बर्दिवास नगरपालिका २ बस्ने २१ वर्षिय संजिव कुमार महतो र सोही जिल्लाकै भंगाहा नगरपालिका ३ बस्ने २७ वर्षिय विप्लव बराल रहेका छन् ।
जिल्लाको सम्सी गाउँपालिका ६ स्थित सीमा इलाकामा ज ११ प २१६ नम्बरको मोटरसाईकलमा सवार उनीहरुमाथि संका लागेर चेकजाँच गर्दा लागु औषध फेला परेको पोष्ट सम्सीबाट खटिएको सशस्त्र प्रहरीले जनाएको छ । लागु औषधसहित पक्राउ परेका दुवैजनालाई नेपाल प्रहरीलाई बुझाइएको छ ।
