काठमाडौं २८ जेठ । नेपाली कांग्रेसका नेता तथा पुर्व मन्त्री गगन थापाले सरकारले नै आफ्नो क्षुद्र स्वार्थको लागि,जनस्वास्थ्यमा पर्ने दीर्घकालीन असरलाई पूर्ण वेवास्ता गर्दै ,कोरोनाले निम्त्याएको परिस्थिति र निषेधाज्ञा बाट फाइदा उठाउने प्रपन्च गरेपछि देशको सचेत नागरिक सडकमा आउनुको विकल्प नभएको बताएका छन् ।
चिकित्सा शिक्षा आयोगमाथि राजनीतिक हस्तक्षेप भएको तथा सर्वोच्च अदालतको निर्णय विपरीत सरकारले मेडिकल कलेजलाई सम्बन्धन दिने तयारी गरेको प्रति आज नागरिक अगुवाहरुले प्रधानमन्त्रीको निवास बालुवाटारमा विरोध गरेका थिए ।
थापाको ट्वीट –‘निषेधाज्ञा उल्लङ्घन गरेर सडकमा आउनु गलत हो।तर जब सरकारले नै आफ्नो क्षुद्र स्वार्थको लागि,जनस्वास्थ्यमा पर्ने दीर्घकालीन असरलाई पूर्ण वेवास्ता गर्दै ,कोरोनाले निम्त्याएको परिस्थिति र निषेधाज्ञा बाट फाइदा उठाउने प्रपन्च गर्छ,देशको सचेत नागरिक सडकमा आउनुको विकल्प हुँदैन।’
