बैतडी २० वैशाख । सत्ता गठवन्धनको सहमति अनुसार वडा सदस्यका उम्मेदवार दिएका माओवादी केन्द्रका ६० वर्षीय हरिराम साउँदमाथी खुकुरी प्रहार भएको छ ।
जिल्लाको डिलाशैनी गाउँपालिका-५ मा साउँद माथि खुकुरी प्रहार भएको हो ।
जिल्ला प्रहरी कार्यालय बैतडीले दिएको जानकारी अनुसार स्थानीय अजित साउँदको समूहले आक्रमण गरेको हो ।
अहिले उनीहरुको खोजी कार्य भइरहेको जनाएको छ । घाइते साउँदको भने टाउको र शरीरमा गहिरो चोट लागेको छ ।
उनको स्थानीय गोकुलेश्वर अस्पतालमा समान्य उपचारपछि धनगढी रेफर गरिएको प्रहरीले जनाएको छ ।
