काठमाडौं १० जेठ । राष्ट्रपति विद्यादेवी भण्डारीले दुर्गम क्षेत्रमा जोखिममा परेका गर्भवती र सुत्केरी महिलाको हवाई उद्धार कार्यलाई थप प्रभावकारी बताएकी छ न् । मंगलबार संघीय संसद्को संयुक्त बैठकमा सरकारको नीति तथा कार्यक्रम प्रस्तुत गर्दै राष्ट्रपति भण्डारीले यस्तो जानकारी गराएकी छन् ।
महिला उत्थान कार्यक्रमलाई प्रभावकारी बनाउँदै महिला, लैंगिक तथा यौनिक अल्पसंख्यक विरुद्ध हुने सबै प्रकारको हिंसा अन्त्य गर्ने नीति समेत ल्याइने भएको छ ।
राज्यका आधारभूत तहमा महिला र दलित समुदायको प्रतिनिधित्व सुनिश्चित गरिने सरकारको नीति तथा कार्यक्रममा समेटिएको छ ।
हिंसा पीडितको तत्काल उद्धार र पुनस्र्थापना र परिवारमा पुनः एकीकरण र आर्थिक शसक्तिकरण गरिने समेत नीति तथा कार्यक्रममा समावेश भएको राष्ट्रपति भण्डारीले बताएकी छन् ।
