काठमाडौं १० जेठ । ललितपुर महानगरको मेयरमा नेपाली कांग्रेसका चिरिबाबु महर्जन विजयी भएका छन् ।
४० हजारभन्दा बढी मत ल्याएर चिरिबाबु दोस्रो कार्यकालको लागि मेयरमा निर्वाचित भएका हुन् । महर्जनले नेकपा एमालेका प्रतिस्पर्धी हरिकृष्ण व्यञ्जनकारलाई पराजित गरेका हुन् ।
यस्तै उपमेयरमा नेकपा एमालेकी मन्जली शाक्य बज्राचार्य निर्वाचित भएकी छन् । उनले नेकपा माओवादी केन्द्रका बाबुराज बज्राचार्यलाई पराजित गरेकी हुन् ।
