निक्कै दिनको कसरत पछि टेलिभिजन एक्टर पर्ल बी पुरी जमानतमा रिहा भएका छन् । नाबालिग केटीलाई रेप गरेको आरोपमा उनी पछिल्लो ११ दिन न्यायिक हिरासतमा रहेका थिए । उनलाई वसई सेशन कोर्टले जमानत दिएको हो ।
उनी बिरुद्ध पोस्को एक्टमा एफ आई आर दर्ता भएको थियो । उनलाई एक नाबालिग केटीलाई रेप गरेको आरोप लागेको छ । पर्लको वकील जितेश अग्रवालले उनको जमानत भएको पुष्टि गरेका छन् । उनले पुरीलाई जमानतमा छोडिदिएको बताएका छन् ।
पर्ल यसअघि ५ जुनमा बसई कोर्टमा पेश भएका थिए । सो सुनवाईमा उनको जमानतको याचिका खारेज गरिएको थियो । त्यसपछि उनलाई न्यायिक हिरासतमा पठाइएको थियो । तेस्रो पटकको प्रयास पछि उनलाई जमानत मिलेको हो ।
