पोखरा २ असार । गण्डकी प्रदेशका नवनियुक्त नेपाली कांग्रेसका मुख्यमन्त्री कृष्णचन्द्र नेपाली पोखरेलले विश्वासको मत लिने भएका छन् । सपथ लिएको एक महिना भित्र विश्वासको मत लिने व्यवस्था भए अनुसार मुख्यमन्त्री पोखरेलले विश्वासको मत लिने भएका हुन् ।
सरकार प्रवक्ता कुमार खड्काले दिएको जानकारी अनुसार विश्वासको मत लिनका लागि संसद सचिवालयमा सूचना दर्ता भइसकेको छ । निकट स्रोतका अनुसार पोखरेलले यहि असार ४ गते भित्र विश्वासको मत लिने बुझिएको छ ।
संविधानको धारा १६८(५) बमोजिम गत शनिवार पोखरेललाई प्रदेश प्रमुख सीताकुमारी पौडेलले मुख्यमन्त्री नियुक्त गरेकी थिइन् ।
