काठमाडौं ८ साउन । सर्वोच्च अदालतले राप्रपा नेपालका अध्यक्ष कमल थापाको पक्षमा अन्तरिम आदेश जारी गरेको छ । अध्यक्ष थापाले पार्टीको चुनाव चिन्ह गाई हुनुपर्ने भन्दै सर्वोच्चमा रिट दायर गरेका थिए ।
निर्वाचन आयोग देशको राष्ट्रिय जनावर र हिन्दू धर्मसँग जोडिएको हुँदा गाई चुनाव चिन्ह दिन अस्वीकार गरेपछि थापा सर्वोच्च पुगेका थिए ।
आज आइतबार न्यायाधीशद्वय आनन्द मोहन भट्टराई र कुमार चुँडालको संयुक्त इजलासले थापाको पक्षमा आदेश जारी गरेको हो ।
इजलासले राप्रपा नेपालको चुनाव चिन्ह गाई प्रदान गर्न निर्वाचन आयोगका नाममा अन्तरिम आदेश जारी हो । आफ्नो रिटमा अध्यक्ष थापाले आफै बहस समेत गरेका थिए ।
