काठमाडौं २५ साउन । नेकपा एमालेका सांसद डा भीम रावलले नेपालले भारतसँगको आफ्नो सिमानामा काँडेतार लगाउनुपर्ने माग गरेका छन् ।
बुधबार काठमाडौंमा आयोजित एक कार्यक्रममा नेता रावलले भारतले बंगलादेशसँग आफ्नो सिमानामा काँडेतार लगाएको भन्दै नेपालले पनि भारतसँग आफ्नो सिमानामा काँडेतार लगाउनु पर्ने भन्दै सरकारको ध्यानाकषर्ण गराएका हुन् ।
‘धेरै राष्ट्रहरूले आफ्नो सिमानाको रक्षाको लागि पर्खाल लगाएका उदाहरण हामीमाझ छ’, नेता रावलले भने ।
नेपालले आफ्नो सिमानाको राम्रो सुरक्षा गर्नुपर्नेमा जोड दिएका उनले नागरिकता विधेयकको पनि विरोध गर्दै नेपालीहरूलाई अल्पमतमा पार्ने षड्यन्त्र भएको बताए ।
