काठमाडौं ३ भदौ । नेकपा माओवादी केन्द्रमा सात जना नेताले महा सचिवमा दावी पेश गरेका छन् ।
शुक्रबार केन्द्रिय कार्यालय पेरिसडाँडामा बसेको स्थायी कमिटिको बैठकमा देव गुरुङ, वर्षमान पुन, जनार्दन शर्मा, गिरिराजमणि पोखरेल, हरिबोल गजुरेल, शक्ति बस्नेत र पम्फा भुसालले महासचिवमा दावी पेश गरेका हुन् ।
बैठकमा नेताद्धय वर्षमान पुन र जनार्दन शर्माले आफ्नो कारणले पदाधिकारी टुंगो नलागेको भन्ने विषय गलत भएको बताएका छन् ।
आफ्नो पार्टीले जसलाई बनाए पनि सहमत भएको भन्दै नेताद्धयले जति ढिला भयो आफुहरु उत्रि खतरामा पर्ने बताएका छन् ।
‘जसलाई बनाए पनि बनाउनुस् , बाहिर किन यस्तो गयो ? जति ढिला भयो, त्यति हामीलाई विस्थापित गर्ने खतरा छ ।’
