काठमाडौं ७ भदौ । आज बस्ने भनिएको प्रतिनिधि सभाको बैठक स्थगित भएको छ ।
नेकपा एमालेले आजबाट पार्टीको १२ गतेसम्म विभिन्न कमिटीका बैठक बस्ने भन्दै एक साताका लागि संसद बैठक स्थगित गराउन आग्रह गरेको हो ।
सभामुखका प्रेस सल्लाहकार श्रीधर न्यौपानेले दिएको जानकारी अनुसार एमालेको आग्रह अनुसार संसद बैठक यही भदौ १३ गते बिहान ११ बजेसम्मका लागि स्थगित गरिएको छ । यता एमालेको आजबाट चुनाव केन्द्रित बैठकहरु बस्ने भएको छ ।
एमालेको आज स्थायी कमिटी बैठक , ९ गते पोलिटव्यूरो, १० र ११ गते केन्द्रीय कमिटी तथा १२ गते निर्वाचन परिचालन कमिटीको बैठक बस्ने भएको छ ।
