काठमाडौं । नेकपा माओवादी केन्द्रले र्याप गीत ‘भोट फर प्रचण्ड’ बो लको र्याप गीत सार्वजनिक गरेको छ । माओवादी केन्द्रले युवापुस्तालाई लक्षित गर्दै ‘भोट फर प्रचण्ड’ बोलको र्याप गीत रिलिज गरेसँगै यसको चर्चा सुरु भएको छ ।
केशव बडुको एरेन्ज रहेको गीतमा जगत तिरुवाको संगीत र स्वर रहेको छ । सार्वजनिक गीत मार्फत ‘नयाँ शैली, नयाँ प्रस्तुति स् नेकपा माओवादी केन्द्रको र्याप गीत’ भन्दै प्रचार प्रसार गरिएको छ ।
सम्भवतः भोट माग्दै कुनै राजनीतिक दलले पहिलोपटक यसरी र्याप गीत ल्याएको हो । माओवादीले राजनीतिक संगीतमा पनि नयाँपुस्तालाई लक्षित गर्दै र्याप गीत ल्याएसँगै एक खालको तरंग उत्तपन्न भएको छ ।
यो पनि पढ्नुहोस् : ‘मैं पनि एमाले ’ गाएका बद्री पंगेनीले चुनावको मुखैमा ल्याए ‘अघि अघि प्रचण्ड’, भिडियोको चर्चा : नेकपमा एमालेको अघिल्लो पटकको चुनावी गीत ‘मैं पनि एमाले‘’ गाएका बहुचर्चित गायक बद्री पंगेनीले अहिले ‘अघि अघि प्रचण्ड’ बोलको गीतमा स्वर दिएका छन् । ‘अघि अघि प्रचण्ड’ मा बद्री पंगेनी र स्मिता दाहालको स्वर रहेको छ ।
मंसिर ४ को चुनाव लक्षित नेकपा माओवादी केन्द्रको गीत ‘अघि अघि प्रचण्ड’ गाएर बद्रीले एउटा गायक कलाकारले कुनै सिमित पार्टीको गीत मात्रै गाउँदैन भन्ने कुराको पुष्टि गरेका छन् । माओवादी केन्द्रलाई भोट मागिएको यो गीतमा बद्रीले प्रचण्डकी नातिनी स्मिता दाहालसँग मिलेर स्वर दिएका छन् ।
गीतको भिडियोमा बद्री फिचर्ड त छैनन्, तर उनको आवाजमा भने ‘मैं पनि एमाले‘’ मा नै जस्तो दम छ । गीत गाउनु कलाकारको धर्म भएको बताउने गायक पंगेनीले भने पेसागत हिसाबमा यो मेरो एउटा व्यवसाय हो ।
जुन गीत चल्छ, त्यसप्रति मान्छेले चासो राख्छन्, नचल्नेलाई ध्यान दिंदैनन् त्यही भएर मैले बेलाबेलामा यस्ता गीत संगीतमा समय दि ने गरेको छु । सार्वजनिक गीतमा पछिल्लो पुस्ताकी चर्चित मोडल करिश्मा ढकाल र लोमेशको बेजोड अभिनय छ ।
