काठमाडौँ ३० बैशाख । पछिल्लो २४ घण्टामा १९ हजार ४७४ जनामा पीसीआर विधिबाट र ७७१ जनाको एन्टिजेन विधिबाट गरिएको परीक्षणमा थप ८ हजार ९६० जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयको पछिल्लो जानकारी अनुसार हाल देशभर कोरोना संक्रमितको कुल संख्या ४ लाख ३१ हजार १९१ पुगेकोछ । पछिल्लो २४ घण्टामा २ सय १४ जनाले कोरोनाबाट अकालमै ज्यान गुमाएका छन् । योसँगै कोरोनाबाट ज्यान गुमाउनेको संख्या देशभर ४ हजार ४६६पुगेको मन्त्रालयले जनाएको छ ।
यस्तै, पछिल्लो २४ घण्टामा ५ हजार ५५ जना कोरोना संक्रमणमुक्त भएका छन् ।
