बलिउडका मिस्टर परफेक्शनिष्ट आमिर खान तथा उनकी पत्नी किरण रावले आफ्नो बैबाहि सम्बन्ध अन्त्यको घोषणा गरेका छन् । यो दम्पत्तिले एकसाथ स्टेटमेन्ट निकाल्दै आफ्नो जिन्दगी अलग अलग जिउने बताएका छन् । तर छोरा आजादको रेखदेख किरण र आमिर दुबैजनाले गर्ने जनाएका छन् । उनीहरुले आफ्नो फाउण्डेशन तथा ब्यवसाय पनि साथै सम्हाल्ने जनाएका छन् ।
ट्रोलको शिकार बनिन् फातिमा सना शेख
आमिर तथा किरणको १५ बर्ष सम्म चलेको बैबाहि सम्बन्ध टुटे पनि फ्यानहरुलाई भने झट्का लागेको छ । तर सोचनीय कुरा के हो भने सामाजिक सञ्जालमा अभिनेत्री फातिमा सना शेख ट्रोलको शिकार बनेकी छिन् । आमिर खान संग दंगल तथा थग्स अफ हिन्दुस्तानमा काम गरेकी अभिनेत्री फातिमा सना शेखलाई ट्विटर प्रयोगकर्ताहरुले निशाना बनाएका छन् ।
प्रयोगकर्ताहरुका अनुसार फातिमा, आमीर खानको अर्काे पत्नी हुन सक्छिन् । यहि बिषयलाई लिएर फातिमालाई ट्रोल बनाईरहेका छन् । उनको ट्विटर प्रयोगकर्ताहरुले मज्जाक उडाईरहेका छन् । फतिमा अहिले ट्विटरमा नम्बर १ मा ट्रेण्ड भईरहेकी छिन् ।
फतिमाको आमिरका बिषयमा यस्तो छ प्रतिक्रिया
फिल्म थग्स अफ हिन्दुस्तानको बेला आमिर खानको नाम फातिमा सना संग जोडिएको थियो । त्यतिबेला फातिमाले यो बिषय अफबाह शिबाय अरु केही नभएको बताएकी थिईन् । उनले झुटो खबरबाट अनजान ब्यक्तीको सोचले केही फरक नपर्ने बताएकी थिईन् ।
उनले त्यतिबेला भनेकी थिईन्– मलाई पहिलो कुरा यो बिषयले कुनै फरक पर्दैन । तर अब अनजान ब्यक्तिहरु मलाई नजानी नबुझि मेरो बारेमा लेख्छन् पढ्छन् भने केही गर्न सकिदैन ।
