पाँचथर -पाँचथरमा आगोमा जलेर २ जनाको मृत्यु भएको छ । मृत्यु हुनेमा मेखबहादुरका २२ वर्षीया छोरी ममता गुरुङ र २३ वर्षीया बुहारी आसाङसिंह थेबे रहेको प्रहरीले जनाएको छ । फिदिम नगरपालिका–८ घुमाउनेटारमा रहेको मेखबहादुर गुरुङको घरमा गएराति साढे १ बजे आगलागी भएको थियो ।
आगलागीमा परी अन्य दुई जना घाइते भएका छन् भने तीन जनाले भागेर ज्यान जोगाउन बचाउन सफल भउका छन् । आगो लागेर टिनको छानो भएको तीन तले घर पूर्णरुपमा क्षतिग्रस्त भएको छ ।
बिजुलीको लाइन सर्ट भएर आगो लागेको हुनसक्ने अनुमान गरिएपनि कारण भने खुल्न नसकेको बताइएको छ ।राति साढे १ बजे लागेको आगो आज बिहान सवा ४ बजे पूर्णरूपमा नियन्त्रणमा लिइएको थियो ।
