काठमाडौं । ब्राजिलियन फुटबलका फर्वार्ड नेयमार जुनियर आइतबारदेखि ३१ वर्षमा प्रवेश गरेका छन् ।
फेब्रुअरी ५, १९९२ मा ब्राजल साओ पाओलोमा जन्मेका नेमार जुनियरको जन्मदिन विश्वभरका उनका फ्यानहरुले विभिन्न कार्यक्रमहरु गरेर मनाएका छन् ।
यसैबिच उनका फ्यानहरूले काठमाडौंको नयाँ बानेश्वरको एक अनाथ आश्रममा विशेष कार्यक्रमको आयोजना गरेर आइतबार साँझ जन्म दिन मनाएका छन् ।
नेपाली फुटबलर सुनिल बलको प्रमुख आतिथ्यतामा भएको कार्यक्रममा नेयमारको जर्सीसहितको केक काटेर उनको जन्मदिनलाई विशेष बनाइएको हो ।
सो अवसरमा नेपाल समाजवादीकी केन्द्रीय सदस्य जेसिका लामाले उक्त आश्रममा खाद्य सामग्री पनि वितरण गरकी थिइन् ।
