अभिनेता सलमान खान र अक्षय कुमार दुवै आफ्नो ठट्टा स्वभावका लागि परिचित छन्। दुबैको जोडी ‘मुझसे शादी करोगी’ मा सँगै देखिएका छन् । यो जोडीलाई दर्शकले निकै रुचाएका थिए । अब फेरि यो जोडी सँगै देखिए तर कुनै फिल्ममा नभई विवाहको पार्टीमा दुबैले सँगै डान्स गरेका थिए ।
दुवैको यो भिडियो सामाजिक सञ्जालमा निकै भाइरल भइरहेको छ । भिडियोमा मानिसहरुले चर्को कमेन्ट पनि गरिरहेका छन् । वास्तवमा यो भिडियो दिल्लीको हो, जहाँ अक्षय र सलमान विवाहमा गएका थिए । भिडियोमा सलमान खान ‘मुन्ना बदनाम हुआ’ गीतमा परफॉर्म गरिरहेको देख्न सकिन्छ । त्यहाँ अक्षय कुमार ‘मै खिलाडी तू अनारी’ गीतमा नाचिरहेका छन् ।
दुबैको यो स्टाइल सबैले मन पराइरहेका छन् । यद्यपि यो विवाहमा अक्षय र सलमानलाई देखेर केही मानिसहरु अचम्ममा परेका छन् । मानिसहरूले धेरै रमाइलो गरिरहेका छन् र विभिन्न तरिकामा टिप्पणीहरू गरिरहेका छन्। यो भिडियोमा कमेन्ट गर्दै प्रयोगकर्ताहरूले सलमान र अक्षयको विवाहमा नाच्ने रेट सोधिरहेका छन् ।
एक प्रयोगकर्ताले लेखेका छन्– ‘विवाहमा डान्स गरेर कति पैसा पाउनुभयो रु’ भने अर्काले लेखेका छन् ‘यी कलाकारले बिहेमा डान्स गरेर पैसा कमाउँछन् । कार्यक्रमको संचालन मनिष पलले गरेका थिए । अर्को प्रयोगकर्ताले लेखे, पैसा भए केही हुन सक्दैन । त्यही क्रममा सलमानका एक फ्यानले निराश हुँदै लेखे, ‘के आवश्यकता थियो, सलमान भाइ ।
