साउथदेखि बलिउडसम्म आफ्नो छाप छोडेका सोनू सूद जस्ता मानिसहरु छन् । उनको उदारताको सबै प्रशंसक छन्। अभिनेताको यही उदारताका कारण उनी सधै चर्चामा रहन्छन् । सोनू सूदलाई देशभरका मानिसहरूले धेरै सम्मान गर्छन्। कोरोनाको समयमा सामाजिक सञ्जालदेखि आफ्नो घरसम्म खाँचोमा परेका सबैलाई सहयोग गर्न अभिनेता मसीहाका रूपमा सोनू सुद अगाडि आए ।
आज पनि कलाकारहरू सामाजिक सञ्जालमार्फत विश्वभरका मानिसहरूसँग जोडिएका छन्।अब अभिनेताको नाममा देशको सबैभन्दा ठूलो प्लेट सार्वजनिक भएको छ । सोनू सूदले आफ्नो इन्स्टाग्राममा एउटा तस्विर शेयर गरेका छन् । यस तस्विरमा सोनू सूद भारतको सबैभन्दा ठूलो खानाको थालको छेउमा उभिएको देखिएका छन् ।
तस्बिर सेयर गर्दै सोनूले लेखेका छन्, ‘शाकाहारी मानिसको नाममा रहेको देशको सबैभन्दा ठूलो प्लेट देखेर साँच्चै अचम्म लाग्छ ।यो प्लेट सामान्य प्लेट जस्तो देखिदैन। यो विशाल छ। यो ठुलो थालमा जम्मा २० जना बसेर खाना खान सक्छन् । सोनु सूदलाई यो अनौठो सम्मान हैदराबादका जिस्मत गेल्मान्डीले दिएका हुन् ।
सोनु सुदको नाममा इण्डियाज बिगेस्ट प्लेट नामकरण गरिएको छ । होटलको आधिकारिक इन्स्टाग्राम ह्याण्डलले सोनू सुदको सम्मानमा लेखेको छ, ‘सर।।तपाईको मुटु सबैभन्दा ठूलो छ । हामीले यो थालको लागि तपाईं भन्दा राम्रो नाम सोच्न सक्दैनौं। हैदरावाद आउनु भएकोमा धेरै धेरै धन्यवाद, तपाईं हामी माझ यहाँ आउनु भएकोमा हामी सबै धेरै खुसी छौं।यस प्लेट मार्फत अभिनेताप्रतिको यो सम्मान देखेर अभिनेताका फ्यानहरू चकित भएका छन् र यी तस्बिरहरूमा चर्को कमेन्ट गरिरहेका छन् ।
सोनु सूद लकडाउनको समयमा मुम्बई र भारतका अन्य सहरहरूमा फसेका आप्रवासीहरूका लागि आशाको किरण बने। उनको सहयोगले लाखौं मानिसहरु सुरक्षित रुपमा आफ्नो गाउँ पुग्न सफल भएका थिए । २०२१ मा पनि, सोनू र उनको टोलीले मुम्बईका खाँचोमा परेका मानिसहरूलाई मद्दत गरे।
