चर्चित अभिनेता अक्षय कुमार र इमरान हसनीको फिल्म सेल्फी आज रिलिज भएको छ । चलचित्रले राम्रो प्रतिक्रिया पाइरहेको छ । फिल्म ‘सूर्यवंशी’ पछि अक्षयका चार मेगा बजेट फिल्म ‘बच्चन पाण्डे’, ‘सम्राट पृथ्वीराज’, ‘रक्षा बन्धन’ र ‘रामसेतु’ बक्स अफिसमा नराम्ररी फ्लप भए । यसबाहेक ‘अतरंगी रे’ र ‘काठपुतली’ले चलचित्र वितरक नपाउँदा दुवै सिधै ओटीटीमा रिलिज गर्नुपर्ने बाध्यता थियो ।
फिल्म ‘सेल्फी’ उनको यो वर्षको पहिलो फिल्म हो । यसका लागि स्टारकास्टले ठूलो रकम पाएको खबर पनि छ । त्यसोभए हामी तपाईलाई शुल्क बारे जानकारी दिदैछौ । अक्षय कुमारको कुरा गर्ने हो भने पछिल्लो वर्ष अभिनेताका लागि खासै सफल भएन । उनका लगभग सबै फिल्म फ्लप भएका छन् । यस्तो अवस्थामा अहिले उनीबाट सेल्फीलाई लिएर जनताले ठूलो अपेक्षा गरेका छन् ।
मिडिया रिपोर्टका अनुसार सधैं झैं यो फिल्मका लागि पनि अभिनेताले मनग्य रकम संकलन गरेका छन् । उनले फिल्ममा आफ्नो भूमिकाका लागि ३५ करोड भारु लिएको बताइएको छ । ‘सेल्फी’ देशभर २ हजार स्क्रिनमा रिलिज भएको छ । फिल्मको बजेट १५० करोड भारु रहेको बताइएको छ ।
फिल्ममा इमरान हाशमी इन्स्पेक्टरको भूमिकामा देखिएका छन् । उनको अभिनयको जनताले तारिफ गरिरहेका छन् । उनले फिल्मका लागि राम्रो कमाइ पनि गरे । इमरानले यो क्यारेक्टर जिउन ७ करोड भारु लिएको बताइएको छ ।
