आफ्नो समयकी सुपरहिट अभिनेत्री नग्माको जीवन विवादले भरिएको थियो । २५ डिसेम्बर १९७४ मा मुम्बईमा जन्मेकी नग्माको वास्तविक नाम नन्दिता अरविन्द मोरारजी हो ।भोजपुरी र हिन्दी बाहेक नग्माले साउथ र पञ्जाबी सहित १० भाषाका फिल्ममा काम गरिसकेकी छिन् । नग्माले सलमान खानको फिल्म बागीः अ रिबेल लभ स्टोरीबाट बलिउडमा डेब्यु गरेकी थिइन् ।
नग्माको अफेयरको पनि निकै चर्चा भयो । उनको नाम भोजपुरी अभिनेता रवि किशनसँग जोडिएको थियो। विवाहित र चार सन्तानका बाबु भए पनि रवि नग्मासँग प्रेममा परेका थिए तर उनीहरुको सम्बन्ध जोडिन सकेन । यसपछि नग्मा क्रिकेटर सौरभ गांगुलीको प्रेममा परेकी थिइन् । सन् २००१ मा उनीहरुको अफेयरको खबर आएको थियो तर दुबैले आफ्नो सम्बन्धलाई कहिल्यै स्वीकार गरेनन् ।
जब नगमा र सौरभको अफेयरको खबर आयो, सौरभ गांगुलीले पनि विवाह गरिसकेका थिए । दुबैको बिहे सम्म हल्ला चल्न थाल्यो । यद्यपि दुबैले यसलाई पूर्ण रूपमा अस्वीकार गरे र केही दिनपछि ब्रेकअप भयो। सौरभ गांगुलीसँगको सम्बन्ध टुटेपछि नग्मा साउथ अभिनेता सरथ कुमारसँग प्रेममा परिन् । जब अभिनेत्रीसँग सरथ कुमारको नाम जोडिएको थियो, उनी पनि विवाहित थिए ।
तर, अभिनेताकी श्रीमतीले हंगामा मच्चाएपछि नग्माले आफूलाई विवादबाट टाढा राखिन् र सरथ कुमारसँग अलग भइन् । यति मात्र होइन, नग्माको नाम भोजपुरी स्टार मनोज तिवारीसँग पनि जोडिएको छ । तर, जब नग्मालाई यसबारे सोधियो, उनले त्यसको खण्डन गरिन् ।
उनले मनोज तिवारीसँग काम गरेको कारणले नै आफ्नो नाम जोडिएको बताएकी थिइन् । नग्मा अहिले राजनीतिमा सक्रिय छिन् । उनी कांग्रेस पार्टीकी नेतृ हुन् र सामाजिक सञ्जालमा निकै सक्रिय देखिन्छिन् । नग्माले आफ्नो राजनीतिक गतिविधि सामाजिक सञ्जालमा सेयर गर्छिन् ।
