जनकपुरधाम २७ असार । आज बसेको प्रदेश २ सभाको बैठक तेस्रो पटक स्थगित भएको छ । नेकपा एमाले र नेकपा माओवादी केन्द्रका विपक्षी दलका सांसदले बजेटका शिर्षकहरु माथि आपत्ती जनाउँदै बैठक अवरुद्ध गरेका हुन् ।
यस अघि पनि असार १५ र २३ गतेका लागि बोलाइएको बैठक पनि स्थगित भएकोअ थियो । पहिलो बैठकमा सांसद विकास कोषको बजेटमा असन्तुष्टि जनाउँदै अवरुद्ध गरिएको बैठक आज भने बजेटका अन्य शिर्षकमा समेत आपत्ती जनाउँदै विपक्षी दलहरुका सांसदहरुले बैठक अवरुद्ध गरेका हुन् ।
विपक्षी दलका अनुसार आफ्नो क्षेत्रमा मनोमानी रुपमा भ्रष्टाचार गर्न मिल्ने क्षेत्रमा मात्र बजेट विनियोजन गरेको आरोप लगाएका छन् ।
