बलिउड अभिनेत्री शिल्पा शेट्टी पर्दामा आउँदा स्टेजमा आगो लगाउँछिन् । ९० को दशकमा उनले आफ्ना धेरै सुपरहिट फिल्मबाट दर्शकको मनमा राज गरिसकेकि छन् । शिल्पाले एकभन्दा बढी हिट फिल्म दिएकी छिन् । अब अभिनेत्री साउथ फिल्म इन्डस्ट्रीमा आफ्नो क्षमता देखाउन तयार छिन् । हालै नायिकाले आफ्नो आगामी फिल्मको घोषणा गरेकी छिन् ।
यससँगै उनको पहिलो पोस्टर पनि शेयर गरिएको छ, जसले उनका फ्यानहरुको उत्साह बढाएको छ । नवरात्रीको यो विशेष अवसरमा शिल्पा शेट्टीले आफ्ना फ्यानहरूसँग आफ्नो नयाँ फिल्मको घोषणा गरेकी छिन् । जसका अनुसार अभिनेत्री चाँडै कन्नड सुपरस्टार ध्रुव सर्जाको आगामी फिल्म ‘केडी द डेभिल’ मा देखिने छिन् । निर्माण पक्षले यस फिल्मको अभिनेत्री शिल्पा शेट्टीको फर्स्ट लुक पनि सार्वजनिक गरेको छ ।
यो एक ग्याङ्स्टर ड्रामा फिल्म हो, जसमा शिल्पा एक महत्वपूर्ण भूमिकामा देखिनेछिन् ।‘केडी द डेभिल’ को रिलिज पोस्टरमा शिल्पाको लुकको बारेमा कुरा गर्दै, अभिनेत्रीले कालो पोल्का डट्स भएको सेतो साडी लगाएकी छिन्, जसमा उनले रातो ब्लाउज लगाएकी छिन्। अनुहारमा कालो चश्मा, निधारमा बिन्दी र हातमा चुरा लगाएर अभिनेत्रीले आफ्नो लुक पूरा गरेकी छिन् ।
फिल्ममा उनको नाम सत्यवती रहनेछ । तर, शिल्पा शेट्टीको यो लुक आलिया भट्टको फिल्म गंगुबाई काठियावाडीको क्यारेक्टरसँग मिल्दोजुल्दो देखिन्छ ।ध्रुव सर्जाको फिल्म ‘केडी द डेभिल’ले १९७० को दशकको कथालाई पर्दामा देखाउन लागेको छ । यो चलचित्रलाई प्रेमले निर्देशन गर्दैछन् । फिल्म केभीएन प्रोडक्सन हाउसको ब्यानरमा बन्न लागेको हो ।
कन्नड बाहेक, निर्माताले हिन्दी, तमिल, तेलुगु र मलयालम भाषामा पनि फिल्म बनाउन लागेका छन्। रिपोर्टहरू विश्वास गर्ने हो भने, सञ्जय दत्त पनि यो प्यान इन्डिया ग्याङ्स्टर ड्रामा फिल्ममा देखिनेछन्। उनले सम्भवतः मुख्य खलनायकको भूमिका खेल्न सक्छन्।
