काठमाडौं । नेपाली कांग्रेसले १० वैशाख २०८० मा उपनिर्वाचन हुने बारा–२ मा जनता समाजवादी पार्टीलाई सहयोग गर्ने भएको छ ।सभापति शेरबहादुर देउवाले बारा–२ मा जसपालाई सहयोग गर्ने वचन दिइसकेको बताइएको छ ।
शनिबार भएको पदाधिकारी बैठकमा देउवाले यसतो बचन दिएका हुन् । बारा–२ बाट प्रतिनिधिसभामा निर्वाचित रामसहाय प्रसाद यादव उपराष्ट्रपति निर्वाचित भएपछि त्यहाँ प्रतिनिधिसभा सदस्य पद रिक्त छ ।
यसअघि ४ मंसिरमा भएको निर्वाचनमा माओवादी केन्द्रका शिवचन्द्र कुशवाहलाई कांग्रेसले समर्थन गरेको थियो । पनिर्वाचन हुने चितवन–२ र तनहुँ–१ मा भने कांग्रेसले सोमबार उम्मेदवार तय गर्ने बताइउको छ ।
