बीबीसी -काठमाडौं । वैज्ञानिकहरूले समुद्र भित्र असाधारण गहिराइमा पौडी खेलिरहेको माछाको भिडियो बनाएका छन् ।यो माछा स्यूडोसाइपेरिस जातको स्नेलफिश हो। यो ८,३३६ मिटर (२७,३४९ फिट) मा तैरिरहेको अवस्थामा फेला परेको थियो ।
यो माछा एक स्वचालित “ल्यान्डर” बाट भिडियो गरिएको थियो जुन दक्षिणी जापानको इजु ओगासावारामा जारी गरिएको थियो।यो माछाले बाँच्न सक्ने अधिकतम गहिराइमा पौडी खेलेको वैज्ञानिकहरूले बताएका छन् ।
यसअघि ८ हजार १७८ मिटर गहिराइमा पौडी खेलेको माछा भेटिएको थियो ।उक्त अनुसन्धानको नेतृत्व गरेका एक जना प्रमुख वैज्ञानिकले त्यो स्थान कुनै पनि माछा जीवित रहनसक्ने सर्वाधिक गहिरो बिन्दु वा त्यसबाट सबैभन्दा नजिकको क्षेत्र हुनसक्ने बताए।
अहिलेको स्थानभन्दा थप दक्षिणतर्फ प्रशान्त महासागरमा अवस्थित मारिआना ट्रेन्चमा यसअघि ८,१७८ मिटर गहिराइमा एउटा माछा फेला परेको थियो।नयाँ खोजले विगतको गहिराइको किर्तीमानलाई १५८ मिटरले पछि पारेको छ।
प्राध्यापक एलान जेमिसनले बीबीसीसँग भने, “यदि यो कीर्तिमान पनि तोडियो भने त्यो लगभग मिनेट अथवा सम्भवतः केही मिटर बढीले मात्रै हुनेछ।”समुद्रको गहिराइबारे अध्ययन गर्ने वेस्ट्रन अस्ट्रेलिया विश्वविद्यालयका वैज्ञानिकहरूले एक दशकअघि समुद्रभित्र ८,२०० मिटरदेखि ८,४०० मिटरसम्म माछा फेलापर्नसक्ने बताएका थिए।
संसारभरि १० वर्ष लगाएर गरिएका खोजले त्यसलाई पुष्टि गरेको छ।अहिले फेला परेको सानो सिउडोलिपारीस डुङ्गाको मद्दतले तल खसालिएको एउटा क्यामेरा प्रणाली जडित उपकरणबाट लिइएको थियो।
त्यो उपकरणको ‘फ्रेममा’ समुद्री जीवहरूलाई आकर्षित गर्न चारो पनि राखिएको थियो।ठ्याक्कै प्रजाति छुट्याउन नमुनाहरू सङ्कलन नगरिएको भए पनि जापान ट्रेन्चको नजिकै ८,०२२ मिटरको गहिराइमा पनि कैयौँ माछाहरू फेला परेका थिए।तिनीहरू पनि स्युडोलिपारिस बेल्याइभी प्रजातिका स्नेलफिश नै थिए र उनीहरूले सर्वाधिक गहिरो स्थानमा भेटिएका माछाको कीर्तिमान बनाएका थिए।
