काठमाडौं जेठ १ । नेकपा एमालेको केपी शर्मा ओली र माधव नेपाल समुहको समस्या समाधान गर्न नयाँ कार्यदल बन्ने भएको छ । कार्यदल नाम छनोत भने जिम्मा नेपाल र ओलीलाई दिइएको छ ।
प्रधानमन्त्री कार्यालय सिंहदरबारमा भएको छलफलमा पार्टीको समस्या समाधान गर्न कार्यदलमा क- कसलाई राख्ने भनेर अन्तिम टुंगो लगाउने काम ओली र नेपालले गर्ने भएका छन् । छलफलमा ओली र नेपालसहित अर्थमन्त्री विष्णुप्रसाद पौडेल, गृहमन्त्री रामबहादुर थापा, परराष्ट्रमन्त्री प्रदीपकुमार ज्ञवाली, नेता रावल, घनश्याम भूसाल, गोकर्ण विष्ट, रघुजीपन्तलगायतको सहभागिता रहेको थियो ।
