काठमाडौँ ६ साउन । नेपाली कांग्रेसका सांसद तथा केन्द्रीय सदस्य अमरेशकुमार सिंहले सांसद पदबाट राजीनामा दिएका छन् ।
सर्लाही निर्वाचन क्षेत्र नम्बर ४ बाट गत निर्वाचनमा विजयी भएका सिंहले पार्टीको महाधिवेशन नकिँदै गर्दा क्रियाशील सदस्यता वितरणमा धाँधली गरेको भन्दै राजीनामा दिएको पत्रमा उल्लेख गरेका छन् ।
अन्य पार्टीबाट आएकाहरुलाई समायोजनका नाममा धेरै क्रियाशील सदस्यता दिएको प्रति अशन्तुष्टि जनाउँदै आएका सिंहले कांग्रेसको चुस्त र गतिशिल बन्ने मार्गमा अवरोध खडा भएको भन्दै राजीनामा दिएका हुन् ।
पार्टीलाई आफ्नो काबुमा राख्ने निहित उद्देश्यबाट प्रेरित नेतृत्व तहकै नेताबाट गैरजिम्मेवार व्यवहार प्रस्तुत् भएको पत्रमा उल्लेख गरिएको छ । 
