काठमाडौँ ८ साउन । नेपाली कांग्रेसको आज बसेको पदाधिकारी बैठकले पार्टीको १४ औं महाधिवेशनको समय तालिका परिर्वतन नहुने गरी कार्यतालिका संशोधन गर्ने निणर्य भएको छ ।
आज प्रधानमन्त्री शेरबहादुर देउवाको निवास बुढानिकण्डमा भएको बैठकले यस्तो निष्कर्ष निकालेको हो । बैठकले क्रियाशील छानबिन समितिलाई सदस्यता टुंगो लगाउन थप १० दिनको समय दिएको छ ।
त्यसैगरी, धर्नामा बसेका पार्टीका नेता कार्यकर्ताको माग सम्बोधन विषयमा विकल्प सहितको प्रस्ताव ल्याउने सभापति समेत रहेका प्रधानमन्त्री देउवाले बताएका छन् ।
