काठमाडौं १३ साउन । लुम्बिनी प्रदेशकी उद्योग, वन तथा वातावरणमन्त्री कल्पना पाण्डे लम्साल थापाथलीस्थित नर्भिक अस्पतालमा भर्ना भएकी छन् ।
हिजो देखि एक्कासी दुवै खुट्टाको घुँडाभन्दा तल नचलने भएपछि उनलाई अस्पताल भर्ना गरिएको उनका श्रीमान् नवराज लम्सालले बताएका हुन् । अहिले उनको न्यूरो सर्जन डा. पंकज जलान र बरिष्ठ मुटुरोग विशेषज्ञ डा. यादव भट्टको टिमले उपचार गराइएको छ ।
पाण्डेका श्रीमान् लम्सालले सामाजिक सञ्जाल मार्फत यसको जानकारी गराएका हुन् । उनले पशुपतिनाथसँग प्राथना गर्दै जति सक्दो चाँडो निको होस् भनी प्राथना गरेका छन् ।
उनले लेखेका छन् । “भगवान कृपा गर । कल्पनालाई एक्कासी हिजो देखि दुवै खुट्टाको घुडाभन्दा तल नचल्ने भएकोले नर्भिक हस्पिटल थापाथलीमा रूम नं २००० को सुईटरूममा न्युरोको डाक्टर पंकज जलान को टिम र डाक्टर यादव भट्ट को टिमको रेखदेखमा उपचार भैरहेको छ । पशुपतिनाथ संग प्रार्थना छ जतिसक्दो छिटो निको होस् ।”
