काठमाडौं जेठ २ । नेकपा एमालेका अध्यक्ष तथा प्रधानमन्त्री समेत रहेका केपी शर्मा ओलीले संसदबाट नै आर्थिक वर्ष २०७८/ ७९ को बजेट आउने बताएका छन् । आज वरिष्ठ नेता माधव नेपाललाई भेट्न सिंहदरवार पुगेका ओलीले सञ्चारकर्मीहरुसँग कुरा गर्दै यस्तो बताएका हुन् ।
ओलीले पार्टी एकता पनि हुने र संसद जिउँदै भएकाले अध्यादेशबाट बजेट नल्याई संसदबाट नै बजेट ल्याउने बताएका हुन् । ओली पार्टी एकताको लागि कार्यदलका सदस्यहरुको टुंगो लगाउन सिंहदरबार पुगेका थिए । बालुवाटारमा बोलाएर धेरै समय कुराउने ओलीलाई आज नेपालले सिंहदरवार पुर्याएका हुन् ।
पछिल्लो समय उखान टुक्काबाट नेपाल समुहलाई व्यंग्य गर्दै आएका ओली आफ्नो सरकार टिकाउन आफ्नो निणर्यलाई वदर गरी दुई पाइला पछाडि गएका छन् ।
