काठमाडौं १० भदौ । निवार्चन आयोगले नयाँ दलको मान्यता दिएसँगै महन्थ ठाकुर नेतृत्वको लोकतान्त्रिक समाजवादी पार्टीले आज कार्यकारिणी समितिको बैठक बोलाएको छ ।
जसपाबाट फुटेपछि नयाँ दल दर्ता गरेको ठाकुर नेतृत्वको यो पहिलो बैठक हो ।
बैठक पार्टी कार्यालय बबरमहलमा दिउँसो एक बजेका लागि बैठक बोलाइएको कार्यकारिणी सदस्य केशव झाले जनाएका छन् ।
पार्टीको अबको रणनीति तथा समसामयिक राजनीतिक विषयमा बस्तुमा आजको बैठकमा छलफल हुने जनाइएको छ । हिजो मात्र मान्यता पाएको यो दलमा १४ जना सांसद रहेका छन् ।
