काठमाडौँ १० भदौ । प्रदेश १ मा एमालेका सचिव भीम आचार्य मुख्यमन्त्रीमा नियुक्त भएका छन् ।
प्रदेश १ का मुख्यमन्त्री शेरधन राईले पदबाट राजीना दिए लगत्तै आचार्य मुख्यमन्त्रीमा नियुक्त भएका हुन् । यस भन्दा अघि नेकपा एमालेले संसदीय दलको नेता परिर्वतन गरेको थियो ।
९३ प्रदेश सदस्यीय रहेको प्रदेशमा एमालेको मात्र ५२ सांसद भएकाले प्रदेश प्रमुख सोमनाथ अधिकारी प्यासीले संविधानको धारा १६८ (१) अनुसार आचार्यलाई मुख्यमन्त्री नियुक्त गरेका हुन् ।
आज बिहिबार नवनियुक्त मुख्यमन्त्री आचार्यले पद तथा गोपनियताको सपथ लिएका छन् ।
