बुटवल ६ जेठ । नेकपा (माओवादी केन्द्र) कपिलवस्तुका जिल्ला नेता दीपक पाण्डेमाथि तीनजनाको समूहले गोली प्रहार गरेको छ । गएराति तौलिहवा–जीतपुर सडकखण्डको सडवा भन्ने स्थानमा पाण्डेमाथि मोटरसाइकलमा आएको उक्त समुहले गोली चलाएको हो ।
गोली प्रहारबाट गम्भिर घाइते भएका पाण्डेको भैरहवास्थित युनिभर्सल मेडिकल कलेज उपचार भइरहेको छ । उनको शरीरमा लागेको दुई गोलीमा एक गोली भने निकालि सकिएको छ, भने एक गोली शरीरमै भएको जिल्ला प्रहरी कार्यालय कपिलवस्तुले जनाएको छ । ३५ वर्षीय पाण्डेको पेट र कम्मरमाथि दुईवटा गोली लागेको छ भने अहिले उनको अवस्था ठिकै भएको बुझिएको छ ।
व्यवसायीक लेनदेनका कारण गोली चलाएको प्रहरीको प्रारम्भिक अनुशन्धानले बताएको छ ।
