टीभि एक्टर अभिनव कोहलीले स्वेता तिवारीले आफ्नो ४ बर्षको छोरालाई मुम्बईको एक होटलमा एक्लै छोडेर गएको दाबी गरेका छन् । उनी छोरालाई छोडेर दक्षिण अफ्रिका गएकी हुन् ।
स्वेता तीवारी हाल खतरो के खिलाडीको सिजन ११ को लागि केपटाउन गएकी हुन् । स्वेता गएपछि उनका पुर्वपति अभिनव कोहलीले चाईल्ड हेल्पलाईनमा उजुरी समेत गरेका छन् ।
उनले एफ आई आर नै दर्ता गर्ने कोशीस गरेको बताइएको छ । अभिनवले आफ्नो इन्ष्टाग्राममा ३ वटा भिडियो समेत पोष्ट गरेका छन् ।
अभिनवले खतरो के खिलाडीका लागि केपटाउन जान यो महामारीको बेला मनाही गरेका थिए । उनले मनाही गर्दा गर्दै पनि श्वेता देश छोडेर साउथ अफ्रिका प्रस्थान गरेकी थिईन् ।
भिडियोमा उनले आफुलाई ४ बर्षको बच्चाको चिन्ता रहेको बताउँदै प्रहरी संग समेत सहयोग मागेका छन् । अहिले सम्म उनको छोरा कहाँ छन्न भन्ने एकिन भैसकेको छैन ।
