काठमाडौं ५ असोज । प्रमुख प्रतिपक्षी दल नेकपा (एमाले) का उपाध्यक्ष डा। भीमबहादुर रावलले राज्यले दिने तक्मामा पनि राजनीतिक भागबण्डा भएको भन्दै आलोचना गरेका छन् ।
नेता रावलले मन्त्री, राजदूत, संवैधानिक निकाय, विश्वविद्यालय लगायतमा राजनीतिक नियुक्ति गर्दा दलीय भागबण्डा भएजस्तै तक्मामा पनि भागवण्डा भएको भन्दै आलोचना गरेका हुन् ।
उनले टवीटर मार्फत देशका निर्णयकर्तालाई देश र जनताप्रति थोरै भएपनि जिम्मेवार होउ र लोकलाज तथा नैतिकताको ख्याल गर्न आग्रह गरेका छन् ।
मन्त्री, राजदूत, संवैधानिक निकाय, विश्वविद्यालय लगायतमा राजनीतिक नियुक्ति गर्दा दलीय भागबण्डा, अब आएर राज्यले दिने तक्मामा पनि राजनीतिक भागबण्डा! यो देश र जनताको फजिती र अधोगतिको मार्ग हो।निर्णयकर्ता हो,देश र जनताप्रति थोरै भएपनि जिम्मेवार होउ र लोकलाज तथा नैतिकताको ख्याल गर !