बलिउड अभिनेत्री शिल्पा शेट्टीका पति तथा बिजनेसम्यान राज कुन्द्रा अन्ततः जेल बाट बाहिर आएका छन् । ६४ दिनको जेल बसाई पछि उनी घर पुगेका छन् । राज कुन्द्रा लाई मुम्बइ क्राइम ब्रान्चको टिमले १९ जुलाई मा पोर्नाेग्राफी केसमा गिरफ्तार गरेको थियो ।
राज कुन्द्रा जेल बाट बाहिर आउने बित्तिकै मिडियाले उनलाई घेरेका थिए । यसै क्रममा रिर्पाेटरले राज कुन्द्रा संग प्रश्न समेत गरेका थिए तर उनले केही पनि जवाफ फर्काएका थिएनन् । राज कुन्द्रा केही नबोली गाडीमा बसेका थिए ।
धरौटीमा छुटे संगै राजको पहिलो तस्बीर बाहिर आएको छ । यस तस्बीरमा राजले मास्क लगाएको देख्न सकिन्छ । उनी एकदमै दुब्लाएको फोटोमा प्रष्ट देख्न सकिन्छ । उनले निधारमा रातो टीका समेत लगाएको देख्न सकिन्छ ।
मिडियाको भिड आसपासमा देखेर राज दिक्दार भएका थिए । गाडीमा बसे लगत्तै उनले कोही संग बोल्दै मिडिया तर्फ हातले केही इशारा गरेको देख्न सकिन्छ । राज कुन्द्राकै लागि भनेर शिल्पा शेट्टी बैष्णे देबीको दरबारमा पनि गएकी थिईन् ।
राज कुन्द्रालाई जमानत मिले संगै शिल्पाले शान्तिको स्वास फेरेकी छिन् । राज कुन्द्रा यस केसमा ५० हजार भारतीय रुपैया धरौटी तिरेर बाहिर निस्किएका हुन् ।
