काठमाडौँ ८ असोज । आज शुक्रबार सुरु भएको राष्ट्रिय सभाको बैठकमा पनि नेकपा एमालेले अवरोध गरेको छ ।
तथापी , एमालेकोे अवरोधमा बाबजुत पनि राष्ट्रिउ सभाध्यक्ष गणेश तिमल्सिनाले बजेटसँग सम्बन्धित दुई विधेयक अघि बढाएका हुन् ।
आर्थिक विधेयक २०७८ र राष्ट्र ऋण उठाउने विधयेक २०७८ माथि विचार गरियोस् भन्दै अर्थमन्त्री जनादर्न शर्माले प्रतिनिधिसभाबाट सन्देशसहित प्रस्ताव पेश गरेका थिए । सो दुवै प्रस्ताप बहुमतले पारित भएको छ ।
पारित भएको दुवै विधेयक माथि दफावार छलफलका लागि भने असोज ११ गते बैठक बस्ने भएको छ ।
बैठक सुरु हुने बित्तिकै एमाले संसदीय दलका नेता खिमलाल देवकोटाले आफ्नो विरोध कायमै राख्ने भन्दै विरोध जनाएका थिए ।
