काठमाडौ १५ जेठ । सरकारले कृषि तथा पशुपन्छी विकास मन्त्रालयको लागि ५५ अर्ब ९७ करोड रूपैयाँ बजेट विनियोजित गरेको छ ।
आइतबार संसद भवनबाट अर्थमन्त्री जनार्दन शर्माले आर्थिक वर्ष २०७९/०८० को बजेट भाषण प्रस्तुत् गर्दै कृषि तथा पशुपन्छी विकास मन्त्रालयको लागि ५५ अर्ब ९७ करोड रूपैयाँ बजेट विनियोजित गरिएको जानकारी गराएका हुन् । कृषि क्षेत्रमा विभिन्न योजना तथा कार्यक्रम पनि सारिने बताएका छन् ।
साथै , प्रत्येक स्थानीय तहमा कृषि तथा पशुविज्ञान विषयमा स्नातक तह उत्तीर्ण गरेका एक–एक जना जनशक्ति तथा सबै वडामा कृषि प्राविधिक उपलब्ध गराउने शर्माले बताएका छन् ।
