जलवाायु परिवर्तनको असर सबैभन्दा बढी नेपालमा

Posted By OSNepal, California, USA || Date: 13 September, 2017

काठमाडौं : विश्व तापमान र जलवायु परिवर्तनको जोखिमले नेपालका हिमशृंखला सबैभन्दा बढी जोखिममा परेको विज्ञले बताएका छन्।

नेपाल व्यवस्थापन संघले ‘पर्वतीय पर्यटनका चुनौती र वातावरणीय प्रभावका विषयमा आयोजना गरेको कार्यक्रममा नेपाल पर्वतारोहण संघका पूर्वअध्यक्ष आङछिरिङ शेर्पाले बढ्दो तापक्रमले नेपालका हिम शङ्खलामा सबैभन्दा धेरै प्रभाव परेको जानकारी दिए ।

शेर्पाका अनुसार हिउँ पग्लेर चट्टान देखिन थालेकाले पर्वतारोहणमा असर पुग्न थालेको छ । जलवायु परिवर्तनले पर्वतीय र पदयात्रा पर्यटनमा कति असर पुगेकोको उनको दाबी छ ।

यद्यपी अहिलेसम्म जलवायु परिवर्तनले पर्वतीय पदयात्रामा असर परेको विषयलाई अहिलेसम्म कसैले अध्ययन गरेको छैन । सीमाविद् बुद्धिनारायण श्रेष्ठले भारत र चीनको तीव्र औद्योगिकीकरणले नेपालको पर्वतीय क्षेत्रमा वातावरणीय प्रभाव परेको बताए । श्रेष्ठका अनुसार यसले पर्वतारोहण मात्र नभई पानीको मुहान जोगाउन चुनौती थपिएको छ।

अन्तर्राष्ट्रिय पर्वतीय एकीकृत विकास केन्द्र इसिमोडको पछिल्लो तथ्यांक अनुसार अहिले हिमालमा वार्षिक ० दशमलव ०५ डिग्री सेल्सियससम्म तापक्रम बढिरहेको छ ।

.

संबन्धित
भिडियो हेर्न यहाँ क्लिक गर्नुहोला!