एजेन्सी । हिन्दी सिनेमाका खेलाडी कुमार भनिने बलिउड अभिनेता अक्षय कुमार सधैं आफ्नो जीवनका गल्तीलाई खुलेर स्वीकार गर्ने गरेको देखिन्छ । हालै अक्षय कुमारको फिल्म सेल्फी रिलिज भएको छ । तर यो फिल्मले बक्स अफिसमा खासै कमाल गर्न सकेन । यसैबीच, एक कार्यक्रममा अक्षय कुमारले आफ्नो व्यक्तिगत र व्यावसायिक जीवनको बारेमा टिप्पणी गरेका छन्।
यति मात्र होइन, उनले अहिलेसम्मका आफ्ना गल्तीका बारेमा टिप्पणी गर्दै स्वीकार पनि गरेका छन् । यसपटक उनले पान मसालाको विज्ञापनमा पनि टिप्पणी गरे । एक अन्तर्वार्तामा अक्षय कुमारले आफूले जीवनमा धेरै गलत निर्णय लिएको बताएका थिए, जसलाई पछि महसुस भएको थियो ।
आफ्नो गल्तीको बारेमा कुरा गर्दै अक्षयले भने कि मलाई पान मसाला कम्पनीको लागि गरेको अलैंचीको विज्ञापन याद छ। अक्षयले आफूले गल्ती गरेको र स्वीकार गरेको बताएका छन् ।अक्षयले त्यो रात आफू सुत्न नसकेको बताए । अक्षयले भने, ( मलाई बेचैनी लागेको थियो। त्यसैले मनमा जे आयो त्यही लेखेँ। मलाई लाग्छ हरेक गल्तीबाट केही न केही सिकिन्छ। मैले पनि सिकेको छु। जब मैले यो लेखेँ, मेरो मन शान्त भयो र सबै कुरा मिल्यो।
गत वर्ष अक्षय कुमारले पान मसालाको विज्ञापनमा काम गरेका थिए । जसका कारण सामाजिक सञ्जालमा उनको निकै आलोचना भएको थियो । पान मसालाको विज्ञापनमा अक्षय कुमारको कामलाई फ्यानले स्वीकार गरेनन् । ट्रोल भएपछि अक्षयले सामाजिक सञ्जालमा यो पोस्ट लेखेर माफी मागेका छन् । उनले आफ्नो पोस्टमा अब यस्तो विज्ञापनमा काम नगर्ने पनि बताएका छन् । अक्षयले यो विज्ञापनबाट आफ्नो नाम पनि फिर्ता लिएको बताए ।
