समाजसेवामा योगदान गर्नेलाई सम्मान



२६ माघ (रासस) – मृगेन्द्र सम्झना चिकित्सा गुठी स्वास्थ्य सेवा मन्दिर सुन्दरीजलले समाज सेवामा योगदान गर्ने पूर्व पदाधिकारीलाई सम्मान गरेको छ ।

मन्दिरको ४१औँ वार्षिकोत्सवका अवसरमा हालसम्मका अध्यक्ष एवम् पदाधिकारीलाई सम्मान गरिएको हो । कार्यक्रमलाई सम्बोधन गर्नुहुँदै काठमाडौँ क्षेत्र नं ३ प्रदेशसभा (ख)का सांसद रामेश्वर फुयाँलले
राजधानीकै ग्रामीण क्षेत्रको स्वास्थ्य, शिक्षा एवम् सामाजिक विकासमा मन्दिरको योगदान अविस्मरणीय रहेको बताउनुभयो ।

गोकर्णेश्वर नगरपालिकाका प्रमुख सल्लाहकार दीपक रिसालले नगर क्लिनिक सञ्चालन गर्न नगरपालिकाले सहयोग गर्ने प्रतिबद्धता जनाउनुभयो । मन्दिरका संस्थापक डा मृगेन्द्रराज पाण्डेले युवा पुस्ताले सेवा भावनालाई जीवन्त बनाउनुपर्ने बताउनुभयो ।

कार्यक्रममा मन्दिरका अध्यक्ष प्रा डा ऋषिराम पोखरेल, कोषाध्यक्ष सुशील सिम्खडा लगायतका वक्ताले सामाजिक सेवामा निरन्तरता दिइने प्रतिबद्धता जनाउनुभयो ।

Comment