काठमाडौं २९ मंसिर । नेपाली कांग्रेसका नेता शेखर कोइरालाले आफुले सभापति पदमा हारेपनि स्वाभाविक रुपमा लिएको बताएका छन् ।
काठमाडौंमा आयोजित एक कार्यक्रममा नेता कोइरालाले आफुहरुको विचारको जित भएको भन्दै अब नयाँ यात्रा सुरु गर्ने बताएका छन् ।
जसरी साढे ५ वर्ष पार्टी बेथितीको हिसाबले चल्यो, त्यसरी चल्न थाल्यो भने आफुहरु सशक्त रुपमा प्रस्तुत हुने बताएका छन् । कार्यक्रम मार्फत सभापति शेरबहादुर देउवालाई शुभकामना समेत दिएका कोइरालाले कसले के गर्यो ?किन गर्यो भन्ने कुण्ठा नभएको समेत बताएका छन् ।
‘म आजैदेखि नेपाली कांग्रेसको रुपान्तरणका लागि लागिसकेको छु । निरन्तर रुपमा तपाईंहरुको घरदैलोमा पुग्नेछु । मेरो टीमका साथीहरु पनि पक्कै तपाईंहरुको घरदैलामा पुग्छौं र आगामी अधिवेशनमा सफलता प्राप्त हुनेछ भन्ने विश्वास लिएको छु ।’ उनले भने ।
आफूहरुले लिएको राजनीतिक एजेण्डा स्थापित भएको र युवा पुस्ताका लागि अवसर खोलेको कोइरालाको दावी रहेको छ ।
