सुनसरी २ माघ । अवैध लागूऔषध गाँजा सहित प्रहरीले तिन जनालाई पक्राउ गरेको छ । पक्राउ पर्नेमा भारत कटहरिया देवीपुर-१० बस्ने २६ वर्षीय मिठु राय लगायत ३ जना भारतीय रहेका छन् ।
निजहरुलाई बर्जु गाउँपालिका(५ तिनमुहानबाट १ सय केजी अवैध लागूऔषध गाँजा सहित प्रहरीले पक्राउ गरेको हो । निजहरुलाई प्रहरीले शनिबार राति पक्राउ गरेको हो ।
नेपालबाट भारततर्फ टाउकोमा उक्त लागूऔषध बोकी लैजाँदै गरेको अवस्थामा जिल्ला प्रहरी कार्यालय सुनसरीबाट खटिएको प्रहरीले फेला पारी उनीहरुलाई पक्राउ गरेको हो ।
यस सम्बन्धमा प्रहरीले थप अनुसन्धान गरिरहेको छ ।