काठमाडौं ४ फागुन । सभामुख अग्निप्रसाद सापकोटाले बोलाएको कार्यव्यवस्था परामर्श समितिको बैठकमा प्रमुख प्रतिपक्षी दल नेकपा एमाले नजाने भएको छ ।
साथै आजै दिउँसो बस्ने संसद बैठकमा पनि आफ्नो विरोध कायमै राख्ने भएको छ ।
अहिले ११ बजे बस्ने कार्यव्यवस्थाको बैठकमा आफ्नो पार्टी सहभागी नहुने एमालेका प्रमुख सचेतक विशाल भट्टराईले जानकारी दिएका हुन् ।
आफ्नो माग सभामुख सापकोटाले सम्बोध नगरेको भन्दै कार्यव्यवस्था बैठकमा जानु आवश्यक नभएको बताएका छन् ।
आज बस्ने संसद बैठकमा सत्तारुढ दल नेपाली कांग्रेसले एमसीसी अनुमोदन गर्ने तयारी गरेको छ ।
