काठमाडौं ६ फागुन । आज शुक्रबार बसेको संसद बैठकमा पनि प्रमुख प्रतिपक्षी दल नेकपा एमालेले अवरोध र्सिजना गरेको छ ।
आफ्नो माग पुरा नभएको भन्दै एमालेले गत भदौ २३ गते देखि हरेक संसद बैठक अवरुद्ध गर्दै आएको छ ।
आज बसेको संसद बैठकमा पनि बैठक सुरु भएसँगै नारावाजी सुरु गरी बैठक अवरुद्ध भएको हो । अब ंसंसद बैठक फागुन ८ गते सम्मका लागि स्थगित गरिएको छ ।
फागुन आठ गते दिउँसो १ बजे बस्ने गरी बैठक स्थगित भएको हो । नाराबाजीका बीच सभामुख अग्निप्रसाद सापकोटाले आज प्रधानमन्त्री शेरबहादुर देउवाको तर्फबाट कानुन, न्याय तथा संसदीय मामिला मन्त्री दिलेन्द्र प्रसाद बडुलाई आदिवासी जनजाति आयोगको प्रतिवेदन पेस गर्न अनुमति दिएका थिए ।
सभामुखको अनुमतिअनुसार मन्त्री बडुले प्रतिवेदन पेस गरेका थिए । त्यसलगत्तै सभामुख सापकोटाले अर्को संसद बैठक फागुन ८ गते बस्ने भन्दै स्थगित गरेका थिए ।