काठमाडौं १२ चैत । तिन दिने नेपाल भ्रमणमा आएका चिनियाँ विदेशमन्त्री वाङ यीले शनिबार नेपालका परराष्ट्रमन्त्री डा. नारायण खड्कासँग भेट गरेका छन् ।
खड्का र यी बिच सिंहदरबारस्थित परराष्ट्र मन्त्रालय भेटवार्ता भएको हो । दूई परराष्ट्रमन्त्री बिच भेटवार्ता भएपछि आजै प्रतिनिधिमण्डलस्तरीय छलफल हुने बताइएको छ ।
साथै, आज शनिबार नै नेपाल र चीनबीच विभिन्न सम्झौतामा दुईपक्षीय छलफल समेत हुने भएको छ । शुक्रबार नेपाल आएका यी आज बिहान शीवपुरी हाइकिङ गएका थिए ।
हरेक पटक नेपालमा आउँदा उनी हाइकिङ जाने गरेका छन् ।
