इन्डियन प्रिमियर लिग आईपीएल टी ट्वान्टी क्रिकेटमा आज बेलुका एक मात्र खेल हुँदैछ । उक्त खेलमा शाहरुख खानको कोलकत्ता नाइट राइडरर्स र मुम्बई इण्डियन्सबीच प्रतिस्पर्धा हुनेछ । दुई टोलीबीचको खेल राति पौने ८ बजे बाट सुरु हुनेछ ।
कोलकत्ताले दुई खेलमा जित निकालेको छ भने आज तेस्रो जितको खोजीमा हुनेछ । कोलकत्ता मुम्बईलाई हराएर शीर्ष स्थानमा समेत उक्लन चाहन्छ । कोलकत्ता ३ खेलमा ४ अंक जोडेर दोस्रो स्थानमा रहेको छ ।
मुम्बईलाई हराएमा कोलकत्ता शीर्ष स्थानमा पुग्नेछ । यता, मुम्बई पहिलो जितको खोजीमा हुनेछ । मुम्बईले दुई खेलमा अंक जोड्न सकेको छैन ।मुम्बईले अघिल्ला दुई खेलमा हार व्यहोरेको थियो । मुम्बई आठौं स्थानमा रहेको छ ।
