कहिले काही समय यस्तो आउँछ जुन पहिला गरेको भए भनेर पश्चताप लाग्छ । बलिउडकी सुन्दरी ऐश्वर्या रायलाई पनि यस्तै महशुस भएको छ जबकि उनले सुपर डुपर हिट चलचित्र कुछ कुछ होता हे छोडेकी थिईन् ।
बलिउड निर्माता तथा निर्देशक करण जोहारको पहिलो फिल्म ‘कुछ कुछ होता हे’ ले एकदमै सुपथ कमाई समेत गर्न सफल भएको थियो । सन् १९९८ मा रिलिज यो फिल्ममा शाहरुख खान, काजोल र रानी मुखर्जी प्रमुख भूमिकामा थिए ।
यस फिल्मका लागि करण जोहारले अभिनेत्री ऐश्वर्या रायलाई लिन चाहेका थिए । करणको प्रस्तावलाई एकपल पनि नसोची ऐश्वर्याले टुक्राईदिएकी थिईन् । रानी मुखर्जीले टिनाको रुपमा खेलेको भुमिकाका लागि उनलाई प्रस्ताव गरिएको थियो । तर ऐश्वर्याले यसलाई सजिलै टुक्राईदिएकी थिइन् । ऐश्वर्याले ‘कुछ कुछ होता हे’ गर्न नचाहने कारण खुलाएकी छन् ।
‘मैले यो फिल्ममा काम गरेको भए मानिसहरुले मलाई मजाकको कारण बनाउथे । त्यो किन पनि हो भने टीनाको चरित्र सर्लक्क परेको कपाल, साधारण पहिरन मा क्यामराको अगाडि ग्ल्यामर देखायो भन्ने आरोप लाग्थ्यो’, उनले भनेकी छन् ।
करणको प्रस्तावलाई ऐश्वर्याले मात्र हैन अन्य अभिनेत्रीहरुले समेत लत्याईदिएका थिए । टीनाको भूमिकाका लागि ट्वींकल खन्ना, उर्मिला मातोडकर र तब्बुसम्मलाई अफर गरेका थिए । तर कसैले उनको अफरलाई स्वीकार गरेका थिएनन् ।
