काठमाडौं-संयुक्त अरब ईमिरेट्स यूएईका राष्ट्रपति शेख खलिफा बिन जायद अल नयनको ७३ वर्षको उमेरमा आज निधन भएको छ । समाचारमा जनाइए अनुसार उनको निधनमा ४० दिन सम्म राष्ट्रिय झण्डालाई आधा झुकाएर शोक मनाउने घोषणा गरिएको छ ।
त्यस्तै तीन दिनसम्म मन्त्रालय, सरकारी तथा निजी सबै कार्यालयहरु बन्द गर्ने जनाइएको छ । केही वर्षदेखि बिरामी खलिफाले आफ्ना बुवा शेख जायद बिन शुल्तान अल नयनको निधनपछि सन् २००४ देखि यूएईको राष्ट्रपतिको जिम्मेवारी सम्हाल्दै आएका थिए । शेख खलिफालाई आधुनिक यूएईका निर्माता पनि मानिन्छ ।