काठमाडौं-
कलाकार किशोर भण्डारीले वडा सदस्य पद जितेका छन्। उनले काठमाडौंको तारकेश्वर नगरपालिका–२ को वडा सदस्य पदमा जित हात पारेका हुन् । पाली कांग्रेसका तर्फबाट तारकेश्वर २ बाट उम्मेदवारी दिएका उनी चुनावी प्रचारका क्रममा शिक्षा र स्वास्थ्यलाई जोड दिएका थिए।
भण्डारीले कान्तिपुर टेलिभिजनबाट प्रसारण हुने ‘डिट्ठा साब’ हास्य टेलिश्रृंखलामा ‘डिट्ठा साब’को भूमिका निर्वाह गरेपछि उनी अझै चर्चामा आएका थिए । उनी लामो समय देखी अभिनयमा सक्रिय छन् । भण्डारीले चलचित्र ‘चंगा’ निर्देशन समेत गरेका छन्।
